Txikitxuen aurrean

txikitxuen oparia

Aurreko astean Santurtziko eskola baten egon nintzen euskararen egunean ume txikien aurrean kontzertu berezia eskaintzen. 150 ume ta gaztetxu egon ziren. Gelaka antolatuta, lehendabizi 75 eta gero beste 75ak. Musikari buruzko galderak, euskarazko letrei buruzkoak eta abarrekoak; alaiak, ezberdinak eta zintzoak. Irakasleak beti lagun. Baina momentu politxena hasi nintzenean “Zuretzat” abestia kantatzen eta danak buruz abestia goitik behera zekixen. Benetan ederra izan zen.  Argazkian gelako batek egindako marrazkia. Eskerrik asko bihotzez.

Amets, amets

“Amets, amets” kostaldeko abesti herrikoia kantatzen Euskararen Etxean, Bilbon, 2014ko irailaren 9an eskainitako kontzertu akustiko berezian.

AMETS, AMETS EGIN
Amets, amets egin itsas gizona,
amets, zure ametsa gerta leikela.

Berriz etorriko zera Ondarru’ko kaiera,
han daukazu maitea, itxaroten dezuna,
berriz etorriko zera, zure txaluparekin,
han daukazu maitea ta bihotza.

Han daukazu maitea ta bihotza.

Argoitaia Anai-arrebak bertsio ederra egin zuten aspaldi.

Zuzenean

Mikel Nuñez Lauzirika (Kresala, Herri Maitea) pianojolea eta Nerea Alberdi (Dr. Maha, The Playful Ensemble, Mr. Swing Jazz Band) bibolinjolearen laguntzaz errepertorioari bueltatxue emon diogu. Elkarrekin taula gainean gustora ari gara, modu erraz, sinple eta gertukoan kantuak moldatuz. Hirukote moduen kontzertu batzuk eskainikoguz hurrengo hilabeteotan.

Ekaineko kontzertuak

Ekaineko kontzertuak Josu Bergara

Ekaineko kontzertuak:
  • Ekainaren 7an 11:00etan – Bilbo – Azkue Fundazioan – Irudimena sarien ekitaldian. Emanaldi akustikoa. + Zeze taldea
  • Ekainaren 12an 19:30etan – Bilbo – Deustuko udaltegia – Ekaineko eguenak
  • Ekainaren 23an 19:30etan – Ea – Frontoian San Juan jaien egitarauaren baitan

Gainera, Euskal Herria, Bartzelona, Girona, Valentzia eta Madrileko eszenatokietan aritu ondoren, uda honetan Ameriketako Estatu Batuetan dauden euskal etxeetan kontzertuak eskaintzeko asmoa dugu. Kontakotsuet!